Прывітанне, гэта Віталь Аляхновіч. Я раблю YouTube-канал аляхновіч пра тэхналогіі і навуку на беларускай мове, а таксама гэты навукова-папулярна-тэхналагічна-асабісты блог, дзе расказваю пра розныя цікавосткі з лічбавага, фізічнага і асабістага светаў.
Таксама я быў суаўтарам гікаўскага YouTube-канала "Відзік", дзе выходзіў аднайменны падкаст пра гульні і тэхналогіі, а таксама кіназнічка - рубрыка пра навіны кіно і серыялаў.
Агулам, ствараю кантэнт для тых, хто цікавіцца будучыняй, сучаснасцю і мінулым навукі і тэхналогій. І хоча цікавіцца гэтым па-беларуску.
➕ Plus-падпіска
Калі вы гатовыя падтрымаць беларускамоўны кантэнт, які цалкам незалежна і самастойна стварае адзін чалавек, аформіце платную падпіску. Яна каштуе прыкладна ад $5 у месяц – гэта каля 16 рублёў ці 20 злотых. Цана аднаго кебаба 🥙
Падтрымаць стварэнне беларускага кантэнту?
Вы атрымаеце поўны доступ да якаснага кантэнту на беларускай мове: тэхналогіі, гульні і навука ў рассылках "тэхнавука" і "неВідзік", тэксты і відэаролікі пра захапляльны космас і незвычайныя інжынерныя цуды, а таксама доступ да запісаў ✍️ асабістага блогу, запрашэнне ў 👾 Discord-канал.
➕ Электронная рассылка "неВідзік"
Усім карыстальнікам сайта ў незалежнасці ад статусу падпіскі даступная асноўная рассылка "неВідзік" – дайджэст тэхналагічных і гульнявых навінаў, якія б раней мы абмеркавалі ў падкасце "Відзік". Але ў абмежаваным выглядзе, усё самае цікавае застаецца для падпісчыкаў.
Магчыма, відэафармат падкаста вернецца, але пакуль невядома калі.
Віталь Аляхновіч
➕ Электронная рассылка "тэхнавука"
"Тэхнавука" – гэта не толькі відэападкаст, але таксама і расшыраная электронная рассылка, якая выходзіць часцей і змяшчае больш цікавостак, чым можа змясціцца ў відэафармаце.
Віталь Аляхновіч
➕ Тэкставыя версіі відэа з дадатковымі матэрыяламі і крыніцамі
Платным падпісчыкам дастуная тэкставая версія – сцэнарый відэароліка – з дадатковымі спасылкамі і крыніцамі. Гэта больш для тых, хто любіць разбірацца сам і атрымліваць крыху больш інфармацыі, чым запакавана ў самое відэа.
Як, напрыклад, у гэтым матэрыяле:
Віталь Аляхновіч
➕ Доступ да асабістых запісаў з закрытага блогу
Запісы з асабістага блогу: пра лічбавае і бытавое, жыццё ў сеціве і па-за яго межамі. Я захапляюся тэхналогіямі і фатаграфіяй, займаюся праграмаваннем і выхаваннем дачкі, цікаўлюся інвестыцыямі і гісторыяй мясцін наўкол. Пра гэта ўсё і распавядаю ў асабістым блозе.
Вось прыклад плюсавых запісаў:
Віталь Аляхновіч
➕ Паў-закрыты Discord-сервер
Таксама падпісчыкі атрымаюць доступ да закрытага беларускага Discord-сервера, дзе можна далучыцца да сумеснага прагляду розных івентаў і сесій вайб-кодзінгу, задаць пытанні непасрэдна мне, прапанаваць нейкія ідэі, паўплываць на кантэнт і далучыцца да гульнявых сесій. Сервер адкрыты для ўсіх, але для выпадковых наведвальнікаў абмежаваны адным каналам.
➕ Падзяка ў відэа
Пачатковыя ўзроўні падтрымкі суправаджаюцца падзякай у цітрах да ролікаў на YouTube. Топавы ўзровень падтрымкі азначае, што гэтая падзяка будзе асаблівай: я агучу вашае імя, ці нікнэйм у блоку падзякі ў відэароліку. Канешне, калі вы гэтага захочаце. Вашая падтрымка таксама можа застацца і ананімнай.
