Сцэна America’s Got Talent, на ёй – не людзі, а пяць жоўтых, чатырохногіх робатаў Spot ад кампаніі Boston Dynamics. Танцуюць пад Queen – Don’t Stop Me Now, нібы сапраўдны балетны ансамбль. Робаты круцяць рукамі/галовамі, маршыруюць у страі, а голас Фрэдзі Мерк’юры трымае рытм. Але – раптам адзін з іх падае. Не спатыкаецца, а проста губляе раўнавагу і плюхаецца на сцэну.

І што б вы думалі? Астатнія не разгубіліся: сціснулі шэрагі і дацягнулі нумар без адзінай затрымкі. Калі ж адзін з суддзяў спытаў: "А можна таго, што ўпаў, адрамантаваць?", прадстаўнік кампаніі з усмешкай адказала: "У нас у Boston Dynamics ёсць дэвіз: зрабі, зламай, напраў." І тут – бум! – упаўшы робат уздымаецца на ногі, як нічога і не было. Публіка ў экстазе. Усе чатыры суддзі кажуць "так" і адпраўляюць робататрупу ў наступны тур.

Робаты не толькі дзеля шоў

Spot – гэта не проста YouTube-зорачка, што ўмее танчыць і адкрываць дзверы. Гэта 75 тысяч долараў чыстай тэхналагічнай грацыі. Гэта адзіная мадэль Boston Dynamics, якую можна купіць, і ў свеце ўжо больш за 1500 такіх.

Іх галоўная перавага – ногі. Не колы, не гусеніцы, а ногі. Гэта значыць, што яны могуць пераходзіць праз лесвіцы, гразь, аскепкі, – карацей, там, дзе звычайная тэхніка разгубіцца. Іх выкарыстоўваюць на прамысловых прадпрыемствах, для выяўлення газавых уцечак, а ў Нью-Ёрку нават спрабавалі пусціць на патруль (праўда, нядоўга – грамадзяне былі не ў захапленні, калі замест паліцэйскага ў двары стаіць жалезны сабака).

Зараз адзін такі робат працуе на будоўлі хмарачоса The Brook у Брукліне.

Spot выконвае прыземленыя, але вельмі карысныя задачы:

  • робіць 360-градусныя фота і відэа;
  • збірае 3D-даныя з дапамогай лазернага сканавання;
  • фіксуе прагрэс будаўніцтва;
  • знаходзіць патэнцыйна небяспечныя месцы на пляцоўцы

Выкарыстанне робата скарачае час, які рабочыя выдаткоўваюць на руцінныя і карпатлівыя задачы — напрыклад, тыя, што звычайна займалі 1–2 гадзіны

Meet Spot: Robot dog helps build Brooklyn’s newest skyscraper • Brooklyn Paper
The development’s general contractor, Suffolk, deployed a four-legged tool — Spot the robot dog — designed by engineering and robotics company Boston Dynamics
Brooklyn PaperGabriele Holtermann

Верагодна, гэта стала магчымым пасля нядаўняй абновы ПЗ і жалеза робата.

Мадыфікацыя Orbit 5.0 дазваляе робату Spot не проста фатаграфаваць, а аўтаматычна распазнаваць праблемы: смецце, разлівы, карозію, зніклыя вогнетушыцелі. Гэта адбываецца без ручнога перагляду фота — праграмнае забеспячэнне сама вызначае, ці ёсць праблема.

Orbit 5.0 adds features to Boston Dynamics’ Spot quadruped robot - The Robot Report
Boston Dynamics has added capabilities for scalable fleet management and insights from inspection data to Orbit 5.0 for Spot.
The Robot ReportThe Robot Report Staff

Ад каранціну да мастацтва

У 2020 годзе, калі людзі сядзелі па дамах, робаты Spot працавалі: напрыклад, на заводах SpaceX. А ў Японіі іх нават ставілі на трыбуны бейсбольнага стадыёна – віталі гульцоў замест гледачоў. Усё па пандэмійных правілах – дыстанцыя, мінімум рызыкі.

Але Spot паспеў пабываць і ў мастацтве: у 2022 годзе мастачка Агнешка Пілят прымайстравала да яго ног падушачкі з фарбай, і робат напісаў карціну, якую потым прадалі за 40 тысяч долараў. У тым жа годзе адзін з робатаў, перафарбаваны і гатовы да кінакамеры, засвяціўся ў серыяле "Кніга Боба Фета" па "Зорных войнах".

Так, выступ быў пастановачны да апошняй секунды. А ці пераможа робат на America’s Got Talent – пакажа час. Але адно ўжо зразумела: тэхніка выйшла на сцэну, і робаты здольныя не толькі круціць гайкі, але і танчыць пад Queen. І нават калі спатыкнуцца – умеюць узняцца. Як і ўсе мы, дарэчы.