Не прайшло і паўгода, як гуманоіды пачалі танчыць, AI – страчваць сэнс, Apple – твар, а інтэрнэт – здольнасць прыносіць радасць. У новай рассылцы неВідзік: чаму Siri ўсё яшчэ тупейшая за кішэнную сабачку, хто купляе лятаючыя дзілдакі за мільярды, пра што шкадуюць пакупнікі Vision Pro (спойлер, грошы) і як цвіль сучаснага інтэрнэту нараджае пакаленне без Facebook. Нічога асабістага, проста будучыня.

Окей, робат Tesla б'е мяне ў пьяных танцах

Якое цудоўнае стагоддзе, каб быць звычайным чалавекам! З аднаго боку наступ нейрасетак нясе вялікую рызыку шмат людзей пакінуць без звыклай працы. З іншага боку гуманоідныя робаты становяцца ўсё больш дасканалымі, пагражаючы пазбавіць нас нават фізічнай працы. Прынамсі, робат Optimus ад Tesla пляша ўжо значна лепш, чым я, пакінуўшы апошні сорам за спінай пасля пяці па "пісят".

0:00
/0:41

З іншага боку, праца чалавека пэўна стане такой таннай, што ніякі робат не захоча працаваць за плошку электрычнасці, як на гэта будзе гатовы чалавек.

0:00
/0:13

Артыкулы пра гаўняны інтэрнэт і інвестдзілдакі

Сённяшні інтэрнэт ператварыўся ў лічбавы суп – алгарытмы, рэклама, бясконцыя відэа і параўнанні з чужым жыццём. Але моладзь, якая вырасла сярод гэтай «цвілі», усё лепш разумее: лічбавае жыццё не робіць шчаслівым. Амаль палова маладых людзей хацела б вырасці без інтэрнэту. У маім тэксце – пра канцэпцыю enshittification, зруйнаванне вольнага інтэрнэту і надзею, якая хаваецца ў стоме новага пакалення.

💩 Сучасны інтэрнэт – пік лічбавай цвілі. На шчасце, моладзь гэта разумее
Раней было лепей. Сучасны інтэрнэт скараціўся да жменькі пляцовак, чые алгарытмічныя стужкі робяць з нас закладнікаў бясконцага думскролінгу: дурнаватыя відэа, рэкламныя прынады і ружовыя кавалачкі чужога жыцця. Сацсеткі прымушаюць нас пражываць гэты дэкаратыўны фасад чужых будняў, параўноўваць, сумнявацца, губляць веру ў сваё. Пра гэты ўплыў ужо шмат сказана, асабліва пра
аляхновічВіталь Аляхновіч

У другім тэксце, што выйшаў на мінулым тыдні, абмяркоўваю сам з сабой новую «прыладу будучыні» – без экрана, але з вялікімі амбіцыямі: асабісты спадарожнік для штучнага інтэлекту. Каму гэта трэба? Ці атрымаецца? І чаму гэта ўсё нагадвае фазу лятаючых дзілдакоў у пошуках новай рэвалюцыі? Жорсткая аналітыка з іроніяй – у новым тэксце.

💀 Горы трупаў на шляху да вынаходніцтва ровара нічаму не вучаць Альтмана і Айва
Кампанія, якая губляе мільярды долараў, купляе за $6,5 млрд кампанію, якая не зарабляе нічога. OpenAI Сэма Альтмана набывае стартап io Джоні Айва – мінулага галоўнага дызайнера Apple. Ад гэтай навіны я злавіў вайбы віруснага роліка пра тое, як журналісты Vice выдумляюць тэмы, кідаючы дзілдакі ў дошку. Зараз патлумачу чаму. 0:
аляхновічВіталь Аляхновіч

Памылка 404: разумная Siri не знойдзена

Амаль год таму Apple з пафасам прадэманстравала сваё бачанне супрацы штучнага інтэлекту і айфонаў – Apple Intelligence. Набор розных інструментаў для працы з ШІ павінен быў паказаць, як вялікі дзядзя прыйшоў і нарэшце ўсё зрабіў як след, нарэшце прадэманстраваў звычайнаму юзеру, навошта таму патрэбен ШІ. І галоўнае – галасавы дапаможнік Siri павінна была стаць сапраўды карыснай, а не як з 2011 года і да цяпер!

Apple хацела скрасці аббрэвіатуру AI, каб яна выключна асацыявался з Apple Intelligence. Але штосьці пайшло зусім не па плане.

Тады ў Відзіку я заўважаў, што з вялікай верагоднасцю паўнацэнная інтэграцыя ШІ ў айфоны зацягнецца: бо для Apple важна зрабіць працу нейрафішак ідэальнай, але самая па сабе прырода прапампаванага Т9 заключаецца ў недасканаласці і шанцы на памылку. Але я не думаў, што імплементацыя расцягнецца мінімум год. А нават праз год абноўленная і больш разумная Siri ўсё яшчэ будзе марай 🤯