Кім бы ты ні быў – праграмістам ці трактарыстам, журналістам ці гарманістам – калі настаюць майскія святочныя выхадныя, то час рыхтавацца садзіць бульбу. Зараз гэты рытуал надыхода вясны ў нас ужо не такі зацяты і маштабны, як раней. Але гены пальцам не раздушыш: некалькі градак павінны быць. Бо свая.

Для мяне гэта "свая" — гэта даўно ўжо не пра бульбу. Увайшоў у той сентыментальны ўзрост, калі сумуеш па больш яркім сонцы і больш зялёнай траве 😅 "Свая" хутчэй пра сувязь. З зямлёй, з продкамі, з тымі, хто хадзіў па гэтых сцежках да мяне. Каго ўжо няма, з кім не нацешыўся пабыць дольш, спытаць больш.

Гэтым разам пасадзілі без майго ўдзелу крыху каля хаты, а на 9 мая паехалі да дзядзькі ў Граўжышкі.