Вітаю, сябры! У эфіры новая тэхнавука!
Гэтым разам расказваю пра камерцыйны выхад у космас, новыя эмодзі, дзялюся думкамі пра нездаровы антрапамарфізм штучнага інтэлекта і дзіўлюся лаўрэатам Шнобелеўскай прэміі.
Новы эмодзі
Віншую ўсіх каму за 30. У нас з’явіўся афіцыйны эмодзі, эмодзі, які адлюстроўвае не проста эмоцыю, а цэлы стан жыцця. Жыцця дарослага, поўнага абавязкаў і праблемаў.
«Твар з мяшкамі пад вачыма». Дадазены разам з 5186 іншымі новымі сымбалямі ў бібліятэку Юнікод 16.0 на мінулым тыдні. Сярод іх толькі восем эмодзі. Яшчэ гэта бурак, дрэва бяз лісця, рыдлёўка, адбітак пальца, арфа, блямба нікеладэона з 90-х і сцяг вострава Сарк.
Зразумела ж, галоўны герой гэтага набору – новы твар. Ëн разам з астатнімі сяммю эмодзі пачне з’яўляцца на розных лічбавых прыладах на працягу наступных некалькіх месяцаў. Чакаем з нецярпеннем, хваляваннем і ўздымам.
Палёт Polaris Dawn
На мінулым тыдні ў космасе здарылася чарговая гістарычная х**ня... Гістарычная рэч! З касмічнага карабля ў касмічную пустэчу выйшлі два астранаўты!